Here and there (NOUF's WORDS.)

This came from the bottom of my heart,  i've been writing it for few days and i tried my best to reach every girl's broken heart. 

The very first part was written by an anonymous reader, thank you. 

The rest is by me, hope the "feels" gets you. 

And oh elklam eli ba3d lnajma, o3'neya bs 3'ayrt feha klma w shlt shay..

-----

لاول مره بحياتي اتمنى اني ماعرفتك ولاقابلتك ..لكن وش يفيد ؟ ثلاث سنين كلام عيوني محد يفهمه غيرك ولا احد يحس بي مثلك ولا كثرك .. لدرجة انك صرت تفهمني اكثر من نفسي.. صرت اغلى من روحي علي .. حبيتك بكل مافيني ايه كنت اكابر لكن ما حرمتك حبي، عطيتك كل مافيني.. ولا مره استكثرته عليك. صحيح عطيتني كل ما ابي لكنك ما وفيت.. ليتني ما قربت من حدودك ابد ليتني بقيت اتأملك من بعيد، طلبت البعد بداخلي ما دريت انه بيوم بيتحقق ما دريت ان بهالسهوله ثلاث سنين تطيح! توقعت انك بتبقى لي حتى و مع كل الضغوط، عمري ما توقعت يضيع الامل من بينا و تتركني معلقه وحيده! انت اكثر شخص يعرف اني ما اقدر اعيش من غيرك! تعاقبني؟ 

انا اللي ما انكسر، اللي ياجبل ما يهزك ريح!!!! اللي دايم "اللي جابه يجيب غيره" على لسانها صرت في بعدك ولا شبي من هذا، يحسبوني قاويه فراقك، يحسبوني ما همني لا بعدك ولا اخبارك ما يدرون اني احفر و ادور بس عشان ادري وش صار بك!! 

ضايعه بين دموعي و افكاري، حب و كره و شوق ذابحني! ادعس على نفسي كل صبح و اقوم و اقول"اللي يحبك ما يتركك بدون سبب. اللي يحبك يا نوف! مستحيل يخليك" بس تدري وش يصير بعدها ؟ ارجع و استرجع كل شي بينا و اعذرك الف و ستين مره و اقول لو يجي بهاللحظة انا مستعده اخذه بكل ما فيه!! ارجع و اقول ليت و ليت و ليت!! و ليتني التمني ينفع مخلوق!! 

ليتك، ليتك ما عطيتني يا فيصل. 

استغرب من حالي! كيف كنت و كيف صرت، بلحظة تغير كل شي، انسلب مني كل شي. 

صغيره انا يا فيصل، صغيره و ضعيفه ببعدك.. 

انا وياك نعرف وش كان ورا حكينا و كلامنا، الكلام و الالغاز اللي بين الحروف، يمكن عمري ما حليت واحد.. بس بعد عمري ما فكرت ان هذا جواب، جواب لواحد من الغازك! 

دايم امي كانت تقولي صعب الشخص يتقبل فكرة رحيل شخص عزيز عشان كذا الواحد لازم يتهيئ لكل مفاجأة، ايه والله صعب و مادريت اني بتفاجئ فيك يوم.. 

اشتقت للفجر معاك، اشتقت لصوتك و انت توك قايم من نومك، اشتقت اخفي مشاعري و انت عارفها بتفاصيلها، اشتقت لشوفتك بدون كلام، اشتقت لكلامك اللي بعض الاحيان ماله معنى و عتابك الي بدون سبب اشتقت لكل مافيك، اشتقت اسألك انت مجنون؟ تقولي "والله يقولون مجنون بحبك"..

 تدري؟ ما توقعت بيوم غياب شخص عني بيأثر فيني هالكثر، بس اكتشفت انك مو اي شخص و وجودك في حياتي، كان حياة. 

ابيك باللي فيك، ابيك بأخطائك، بشينك و زينك، ابيك ولو الدنيا كلها حاولت تغنيني عنك. 

ابيك و لو اني منكره. 

***

طال إنتظاري وطولت لحظة لقاك.

يكفي غياب أرجوك ما عدت قادر..

إلى متى بتغيب وأحتاج ملقاك...

أقول بكره ينتهي الهم وألقاك..

يطلع علي الصبح وأقول باكر..

ضايع بدونك بين همي وذكراك..

أنا أعترف بالضعف ما أقدر أكابر..

أعيش أنا بإحساس ما أظن بكاك..

واخفي دموعي لأجل بعض المظاهر..

الصمت بيت ودمعتي ألف شباك..

والهــم باب وغيبتك ألف زاير..

أرجع أخاف القلب في البعد ينساك..

ما يستوي في الحـب غايب وحاضر..

أختار بين إثنين قربك وفرقاك..

يا تموت الحرمان ولا المشاعر..